Bolgariyada dahshatli temir yo‘l halokati ro‘y berdi

Bolgariyaning Shumen viloyati Xitrino aholi punktida yuk poyezdi izidan chiqib ketgan. U propan-butan gazlari to‘ldirilgan 26ta sisternani olib ketayotgan bo‘lgan, deb xabar qilmoqda BTV telekanali.

«Kamida, 4 kishi halok bo‘lgan, 20dan ortiq odam yaralangan», —deya o‘t o‘chirish bo‘linmasi rahbari Nikolay Nikolov so‘zlarini keltiradi telekanal.

Aniqlanishicha, hodisa oqibatida bir necha bino qulagan, 12 kishi vayronalar ostidan olib chiqilgan. 

Jabrlanganlarning barchasi shifoxonaga yetkazilgani, voqea joyida o‘t o‘chiruvchilar va shifokorlar faoliyat yuritayotani xabar qilinmoqda.