Malayziya, Pokiston, Falastin va Marokash rahbarlari Shavkat Mirziyoyevga tabrik yo‘lladi

O‘zbekistonda 2016 yil 4 dekabr kuni bo‘lib o‘tgan saylovda Shavkat Mirziyoyev O‘zbekiston Respublikasi Prezidenti etib saylangani munosabati bilan xorijiy davlatlar va hukumatlar, xalqaro tashkilotlar rahbarlari, xorijiy mamlakatlarning taniqli jamoat arboblaridan samimiy tilaklar bildirilgan qutlovlar kelmoqda.

Jumladan, Pokiston Islom Respublikasi Bosh vaziri Muhammad Navoz Sharif, Marokash Qiroli Muhammad VI, Malayziya Bosh vaziri Dato Sri Mohd Najib, Xorvatiya Respublikasi Prezidenti Kolinda Grabar-Kitarovich, Falastin Davlati Prezidenti Mahmud Abbos, «Chayna reylvey tanel grup» boshqaruvi raisi Yuy Baolin, Yaponiya fan va texnologiyalar agentligi prezidenti – Michinari Xamaguchi, «Agrotek» kompaniyasi prezidenti, jamoat arbobi (Avstriya) – Boris Kandov, Germaniya – O‘zbekiston jamiyati prezidenti – Volf Bauer kabilar o‘z tabriklarini yo‘llagan.

Qutlovlar kelishi davom etmoqda.