14–19 dekabr kunlari Rossiyaning Nijnevartovsk shahrida (Xanti-Mansiysk muxtor okrugi) o‘tgan, Rossiyada xizmat ko‘rsatgan geolog Farman Salmanov xotirasiga bag‘ishlangan boks bo‘yicha neft qazib oluvchi davlatlar o‘rtasida Jahon kubogida o‘zbekistonlik charm qo‘lqop ustasi Jaloliddin O‘ktamov oltin medalni qo‘lga kiritdi.
81 kilogrammgacha vazn toifasida final jangiga qadar Ozarbayjon, Qozog‘iston, Belarus vakillarini yengib kelgan Jaloliddin chempionlik uchun hal qiluvchi jangda rossiyalik bokschini ham mag‘lub etdi.
Jaloliddin O‘ktamov Jizzax boks maktabi tarbiyalanuvchisi bo‘lib, ko‘plab mahalliy va mintaqaviy boks musobaqalarining g‘olibi hisoblanadi.
— Muallif fikri tahririyat nuqtai nazarini ifoda qilmasligi mumkin.
— Tahririyat bu mavzu bo‘yicha ikkinchi tomonning fikrlariga ham minbar berishga tayyor
