Moskvada 10 yashar ukasini bo‘g‘ib o‘ldirgan aka qo‘lga olindi

Moskvada 10 yashar ukasini o‘ldirganlikda gumon qilinib, uning akasi qo‘lga olindi. Bu haqda Rossiya Federatsiyasi Tergov qo‘mitasining Moskva bo‘yicha boshqarmasi boshlig‘i Yuliya Ivanovaning ma'lumotiga asoslanib, TASS xabar bermoqda.

“Tergov qo‘mitasining tergovchilari va politsiya xodimlari hamkorligida amalga oshirilgan tezkor tadbirda qisqa muddat oralig‘ida 17 yashar yigit o‘z ukasining qotilligida gumonlanib, qo‘lga olindi. So‘roq vaqtida u o‘z aybiga iqror bo‘ldi”, - dedi Yuliya Ivanova.

Eslatib o‘tamiz, 27 dekabr kuni Lomonosov mavzesidagi turar-joy binosi xonadonlaridan birida 10 yashar bolaning jasadi topilgan. Qotilikka nisbatan jinoiy ish qo‘zg‘atilgan. Tergov harakatlari natijasida ma'lum bo‘lishicha, bola bo‘g‘ib o‘ldirilgan.