Dele Alli uchun 2 supergrand kurash boshladi

«Tottenhem» yarim himoyachisi Dele Alli «Real» va «Barselona» jamoalari nishonida turibdi. Bu haqda Britaniyadagi nashrlar xabar tarqatmoqda.

Daily Mirror ma'lumotiga ko‘ra, «Real» bu futbolchini avvaldan kuzatib kelmoqda. Endilikda u «Barselona» jamoasi qiziqishlari doirasiga ham tushgan.

«Tottenhem» bu 20 yoshli futbolchisini 70 million funtga baholagan.

Bundan oldinroq ushbu futbolchiga Xitoy jamoalaridan biri haftasiga 1 million dollar miqdorida maosh tayinlashga tayyorligi xabar qilingandi.

Joriy mavsumda Dele Alli «Tottenhem» safida 25 uchrashuv o‘tkazgan va 11 gol urib yana 4 golga hammualliflik qilgan.