Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Uniqlo раҳбари бир кунда 1,4 миллиард доллардан маҳрум бўлди
14:45 / 09.01.2017
3172
Фото: evoketw.com

Fast Retailing компанияси асосчиси ва президенти Тадаси Янаининг молиявий аҳволи бир кунда 1,4 миллиард долларга камайди. Ритейлер гуруҳига кирувчи Uniqlo'нинг 2016 йилнинг декабрида сотувлар пасайганлиги тўғрисидаги ҳисоботидан кейин ана шундай ҳолат кузатилди. Bloomberg нашри шу ҳақида хабар берди. 

Uniqlo ҳисоботидан кейин Fast Retailing акциялари 6 январда Токия биржасидаги савдолар давомида 6,7 фоизга тушиб кетди. Компаниянинг қимматли қоғозлари нархи пасайиши фонида Янаининг молиявий аҳволи 1,4 миллиард долларга қисқариб, 17,7 миллиард долларни ташкил қилди. 

Шунга қарамай, Янаи Bloomberg индексида Япониядаги энг бадавлат инсон мақомини сақлаб қолди. Ундан кейинги ўринларда SoftBank раҳбари Масаёси Сон (13,6 миллиард доллар) ва Keyence асосчиси Такемицу Такидзаки (11,1 миллиард доллар) номлари қайд этилган. Умумий рўйхатда эса Янаи 44-ўринни эгаллаган. 


Улашинг
Top