Rossiyaning Arxangelsk viloyatida istiqomat qiluvchi fuqaro avtomobil yo‘llaridan birida mintaqa hududiga tushgan meteoritni tasvirga tushirdi. Bu haqda FlashNord xabar bermoqda.
Nashrning yozishicha, meteoritning tushgani rasmiy mahkamalar tomonidan hozircha tasdiqlanmagan.
RF Favqulodda vaziyatlar vazirligidagi vakil esa yer yuzasida vayronalar va jabrlanganlar yo‘q ekanini xabar qildi.
Poliksal nashrining ta'kidlashicha, Arxangelsk viloyati aholisi mintaqa uzra osmonda meteorit yomg‘iriga guvoh bo‘lishgan. Shuningdek, hududda yana bir necha meteorit tushgani ham ma'lum qilindi.
