14:53 / 11.01.2017
3390

Italiya bosh vaziri jarrohlik amaliyotidan o‘tkazildi

Foto: RIA "Novosti"

Italiya bosh vaziri Paolo Jyentilonining tomirlarida jarrohlik amaliyoti o‘tkazildi. Bu u Parijga uyushtirgan amaliy tashrifidan qaytib kelgach yuz berdi, deb xabar bermoqda RaiNews24 telekanali.

Italiya hukumati rahbari seshanba kuni Fransiya prezidenti Fransua Olland bilan Yelisey saroyida uchrashdi.

Telekanal ma'lumotiga ko‘ra, Jyentiloni Rimga qaytib kelganidan so‘ng o‘zini yomon his qilgan va poytaxtdagi eng yaxshi kasalxonalardan biri – Gemelli’ga tashrif buyurdi. Shifokorlar siyosatchida angioplastika – sirtqi tomirlar yopilib qolishi bo‘yicha kichik jarrohlik amaliyotni o‘tkazishgan.

RaiNews24’ning ta'kidlashicha, ayni damda siyosatchi o‘zini yaxshi his qilmoqda.

Top