Hindistonda Rossiya elchisi hayotdan ko‘z yumdi

Hindiston poytaxti Yangi-Dehlida Rossiyalik elchi Aleksandr Kadakin kasallik sabab 68 yoshida hayotdan ko‘z yumdi. Bu haqda Rossiyaning Hindistondagi diplomatik vakolatxonasi xabar berdi, deb ma'lum qilgan RIA «Novosti».

«Rossiyaning Hindiston Respublikasidagi elchixonasi katta qayg‘u bilan shuni ma'lum qiladiki, 26 yanvar kuni qisqa muddatlik kasallikdan so‘ng Yangi-Dehlidagi markaziy kasalxonalardan birida Rossiyaning Hindistondagi favqulodda va muxtor elchisi A.M. Kadakin hayotdan ko‘z yumdi», - deya xabar qilishgan diplomatlar.

Kadakin diplomatik missiya rahbari vazifasida 2009 yilning noyabridan boshlab ishlab kelgan. U bu lavozimga TIVning alohida vazifalar bo‘yicha elchisi pozitsiyasidan o‘tgan.