Abdulaziz Komilov Germaniyaga tabrik yo‘lladi

O‘zbekiston tashqi ishlar vaziri Abdulaziz Komilov Zigmar Gabriyelni Germaniya Federativ Respublikasining Federal tashqi ishlar vaziri lavozimiga tayinlanganligi munosabati bilan tabrikladi.

O‘zbekiston TIV matbuot xizmati tomonidan keltirilgan tabrik maktubida an'anaviy do‘stona, serqirra va o‘zaro manfaatli O‘zbekiston-Germaniya munosabatlarini yanada mustahkamlashishi va rivojlanishiga ishonch bildirilgan.

«Sizning Federal iqtisodiyot va energetika vaziri sifatida ulkan ish tajribasiga egaligingizni inobatga olgan holda biz mamlakatlarimiz o‘rtasida savdo-iqtisodiy, investitsion-texnologik va moliyaviy-texnik hamkorlikni sifat jihatdan kengaytirish va oshirishga umid qilamiz», — deya ta'kidlanadi maktubda.