Video: Jyeki Chan qadrdon kaskadyorlar bilan uchrashuvida ko‘z-yoshlarini tiyib tura olmadi

20 yanvar kuni Xitoyda efirga uzatilgan ko‘ngilochar Ace vs Ace shousi Jyeki Chan kaskadyorlar jamoasining 40 yillik yubileyiga bag‘ishlandi. Jahon tan olgan aktyor o‘z yordamchilarining birinchi avlodi bilan ko‘rishdi. Huffington Post ushbu hayajonli shoudan lavha taqdim etdi.

Aktyor ekranda ilk kaskadyorlar jamoasi a'zolari bilan bog‘liq kadrlarni tomosha qilib, xotirlayotgan bir paytda ular bilintirmay Channing orqa tarafiga tizilib olishdi. Kutilmaganda do‘stlariga ko‘zi tushgan aktyor samimiy ko‘z yoshlarini tutib tura olmadi. 

"Birodarlar, sizlar bilan qachondan beri ko‘rishmabmiz. Kimlardir oramizda yo‘q, bizning ham birga bo‘lish uchun vaqtimiz ko‘p emas. Yillar davomida yonimda bo‘lganingiz uchun tashakkur", - dedi Chan.