Fransiyadagi AESda portlash ro‘y berdi

Fransiya shimoli-g‘arbidagi “Flamanvil” atom elektr stansiyasining mashina zalida portlash ro‘y berdi. Radioaktiv moddalar chiqish xavfi yo‘q, deb xabar berdi Ouest France nashri.

Ommaviy axborot vositalari xabariga ko‘ra, bir necha kishi jarohat olgan bo‘lishi mumkin. Hodisa joyiga o‘t o‘chirish xizmati, tibbiyot xodimlari va qutqaruvchilar yetib kelgan.

O‘t o‘chiruvchilarning xabar berishicha, portlashdan so‘ng yong‘in boshlangan, atom reaktorlari hududi bundan zarar ko‘rmagan.