Quloqchinlar qurilish ovozlaridan ham ko‘proq eshitish qobiliyatining yo‘qolishiga olib keladi

AQSh kasalliklarni nazorat qilish bo‘yicha markazi o‘z tomonidan o‘tkazilgan tadqiqot natijalarini taqdim etdi. Xulosaga ko‘ra, musiqani quloqchinlar orqali tinglovchilar uchun bir qadar salbiy ma'lumotlar mavjud. 

Kasalliklarni nazorat qilish va oldini olish markazi tomonidan o‘zkazilgan keng qamrovli tadqiqot yakuniga ko‘ra, AQShda eshitish qobiliyatini yo‘qotish eng ko‘p tarqalgan xastaliklar ro‘yxatida uchinchi o‘rinni egallagan. U yoshi katta aholining 24 foizida uchraydi. Avvalroq bunga saraton va diabet sabab bo‘lishi mumkinligi haqida ma'lumotlar taqdim etilgandi, biroq yangi tadqiqotga ko‘ra, quloqchinlarda katta tovushda musiqa tinglash ham quloq og‘irligiga olib keladi. 

U tovushni qabul qilish hissini kamaytirib, hattoki butunlay kar bo‘lib qolishga ham sabab bo‘lishi mumkin. Muammo, birinchi navbatda, maksimal baland ovozda musiqa eshitadiganlarni qamrab oladi – ular qurilish va zavod ishchilari bilan bir darajada eshitish qobiliyatlarini yo‘qotishlari mumkin ekan.