Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Ўзбекистонда янги спорт федерацияси давлат рўйхатидан ўтказилди
18:29 / 11.02.2017
25781
Иллюстратив сурат

Ўзбекистон Республикаси Адлия вазирлиги томонидан 2017 йил 10-февраль куни Ўзбекистон замонавий бешкураш федерацияси давлат рўйхатидан ўтказилди. Бу ҳақда Kun.uz’га Адлия вазирлиги матбуот хизмати хабар берди.

Ушбу ташкилотнинг асосий мақсади замонавий бешкураш спортчиларининг маҳорат даражасини халқаро даражага кўтариш ва ушбу спортчиларга қўшимча билим бериш орқали уларнинг спортга бўлган қизиқишларини ошириш ҳисобланади.

Шунингдек, ташкилот вазифаларига халқаро спорт майдонида мамлакат шарафини муносиб ҳимоя қилишга қодир бўлган Ўзбекистон терма жамоалари учун белгиланган тартибда тайёргарлик жараёнларини ташкил этишнинг энг янги усулларини қўллаган ҳолда спорт захираси ва юқори маҳоратли спортчиларни тайёрлаш ҳамда бошқа вазифалар киради.

Фазлиев Фаррух Фахриддинович

Ўзбекистон замонавий бешкураш федерацияси таъсисчилар умумий йиғилишида унинг президенти этиб Фазлиев Фаррух Фахриддинович сайланган.


Улашинг
Top