Fox News: Eron generali Moskvaga keldi

Eron armiyasi generali Qosim Sulaymoniy Moskvaga keldi, deb xabar qilmoqda AQShning Fox News telekanali Amerika razvedkasidagi manbalariga tayangan holda. 

Ma'lumotlarga ko‘ra, Sulaymoniy yuqori lavozimli davlat mulozimlari bilan uchrashish maqsadida Moskvaga kelgan. Ta'kidlanishicha, Eron generali shu bilan BMT rezolyutsiyasini buzgan. U BMTning mamlakatini tark etishi taqiqlangan kishilar ro‘yxatiga kiritilgan. 

Xabar qilinishicha, Sulaymoniy Vnukovo aeroportiga kelgan va Rossiyada bir necha kun qolishni rejalashtirgan. 

Mazkur tashrif borasida rasmiy izohlar berilgani yo‘q.