«Lokomotiv» tashkil topganiga 15 yil bo‘ldi

Bugun 18 fevral kuni Toshkentning «Lokomotiv» klubi tashkil topganiga 15 yil bo‘ldi. 2002 yilning aynan shu sanasi «O‘zbekiston temir yo‘llari» AJ qoshida mazkur klub tashkil topgandi.

Qisqa davrda jamoa ko‘plab muvaffaqiyatlarga erishdi. 2003 yilda jamoa O‘zbekiston birinchi ligasida 2-o‘rin, 2011 yilda esa liga g‘olibligini qo‘lga kiritdi. Shundan so‘ng oliy ligada muntazam qatnashishni boshlagan «temiryo‘lchilar» bir marta O‘zbekiston chempioni (2016 yil), ikki karra O‘zbekiston kubogi sohibi (2014, 2016),bir marta O‘zbekiston superkubogi (2015), uch karra chempionatning kumush medali sohibi (2013, 2014, 2015) va bir marta bronza medali sohibi (2012) bo‘lishga muvaffaq bo‘ldi. O‘tgan mavsumda jamoa OChLda chorak finalga qadar yetib bordi.

Bu davrda jamoada Vadim Abramov, Xoren Oganesyan, Hakim Fuzaylov, Vyacheslov Soloxo, Rustam Mirsodiqov kabi taniqli mutaxassislar faoliyat olib borishdi.