137 yil oldin Janubiy Dakotadagi hindu qabilalari yetakchilarining rangli surati

Internetda Janubiy Dakotadagi hindular qabilasi rahbarlarining general Maylz va uning armiyasi bilan to‘qnashuvdan avval tushgan surati bir kun davomida 60 ming layk hamda deyarli 5 ming izohni yig‘di. Surat 1880 yilda olingan – bir necha oydan so‘ng unda tasvirlangan ba'zilar hayotdan ko‘z yumadi. Fotoshop ustasi bu fotosuratga “yangi hayot” baxsh etdi hamda unga ranglarni qaytardi.

Frozenburger taxallusi ostidagi foydalanuvchining tushuntirishicha, suratga u zamonaviy ko‘rinish kasb etishi va kishilar uni yanada teranroq anglashi uchun ranglar qo‘shgan. Frozenburger suratda tasvirlangan hindularning ismlarini ham keltirgan: O‘tirgan Buqa, Qarayotgan Ayiq, Katta Oq Otga ega, Oq Dum, Ayiq Jigari, Tog‘lardagi Momaqaldiroq, Vovullayotgan It, Parvoz Qilayotgan Qirg‘iy, Cho‘loq, Burgut Hushtagi. Rahbarlar general Nelson Maylz bilan to‘qnashuvdan biroz avval uchrashishgan. Hindular rahbarlarining uchrashuvi surati 1880 yilda olingan. Oradan uncha ko‘p vaqt o‘tmaydi va unda tasvirlangan ba'zi kishilar boshqa sharoitlarda uchrashadi. Asl surat:

Bu esa Ayiq Mundiri deya atalgan general Maylzning o‘zi. 1880 yilda aynan uning qo‘mondonligida Vunded-Ni irmog‘ida qonli jang bo‘lib o‘tgan. Bu Dakota hindulari o‘rtasidagi so‘nggi to‘qnashuv va Hindular urushidagi eng oxirgi janglardan biri bo‘ldi.

Pastdagi suratda esa – 1880 yilda Vunded-Ni irmog‘idagi jang paytida asir olingan hindular qabilalari rahbarlari. O‘ngda – Parvoz Qilayotgan Qirg‘iy.

Suratda aks etgan yana bir rahbar – O‘tirgan Buqa jang vaqtga qadar olamdan ko‘z yumib bo‘lgandi. 1876 yilda u AQSh Amerika polklaridan birini tor-mor keltirgan. Jangdan ikki hafta avval 40 nafar politsiyachi-hindu uni hibsga olishga harakat qildi. Rahbar chekinishni istamadi, hamda natijada ro‘y bergan otishma oqibatida o‘zi, sakkiz nafar tarafdori va olti politsiyachi halok bo‘ldi.