Janubiy Sudanda gumanitar vaziyat keskin yomonlashmoqda, BMTga bu davlatning millionlab aholisini ocharchilikdan qutqarish uchun 1,6 mlrd dollar zarur. Bu haqda BMT bosh kotibining gumanitar masalalar bo‘yicha o‘rinbosari Stiven O'Brayyen Janubiy Sudan poytaxti Jubada o‘tgan matbuot-anjumanida ma'lum qildi.
BMTning baholashicha, Afrikaning ushbu davlatida hozirda 100 ming kishi ocharchilikdan aziyat chekmoqda. Biroq iyul oyigacha oziq-ovqat yetishmasligidan aziyat chekuvchilar soni 5,5 mln kishigacha yetishi mumkin. "Bu paytga kelib hosilsizlik davri endigina boshlanayotgan bo‘ladi, afsuski, vaziyat keyingi oylarda juda yomonlashishi mumkin", deb ogohlantirgan O'Brayyen. "Bizda reja bor, biz vaziyatga munosabat bildirmoqdamiz va ko‘proq sa'y-harakatlarni amalga oshirishga tayyormiz. Biroq bizga ko‘proq hayotlarni saqlab qolishga imkon beruvchi vositalar kerak", deb ta'kidlab o‘tgan O'Brayyen.
BMT va uning hamkorlarining aholiga yordam berishga qaratilgan sa'y-harakatlari "to‘qnashuvlar, zarur joyga borishning iloji yo‘qligi va qog‘ozbozlik" sababli qiyinlashmoqda. Gumanitar yordam saqlanadigan omborlar ko‘pincha talab ketiladi. "Bizga jangovar harakatlar tugatilishi juda zarur. Bizga vaziyat tinchlanishi kerak, shunda biz muhtoj odamlarga doimiy asosda yordam bera olamiz", deb qo‘shimcha qilgan O'Brayyen.
