Rossiyada radikal tashkilotlarga odam yollagan uch ming sayt yopildi

Rossiyada 2016 yilda ekstremistik murojaatlar tarqatilgan va radikal tashkilotlarga odam yollagan uch mingdan ortiq internet-sayt faoliyati to‘sib qo‘yildi. Bu haqda Rossiya IIV rahbari Vladimir Kolokoltsev ma'lum qildi.

"Butunjahon tarmog‘ining turli saytlarida joylashtiriluvchi ma'lumot monitoringgi o‘tkazilmoqda. Bu ekstremistik xarakterga ega materiallarni aniqlash va ularga qarshi qonunda belgilangan choralarni ko‘rish maqsadida amalga oshirilmoqda. O‘tgan yili o‘zaro harakatlar natijasida irq va diniy nifoqqa chaqirgan murojaatlar tarqatilgan, shuningdek radikal tashkilotlar safiga odam yollash bilan shug‘ullangan uch mingdan ortiq internet-resursga kirish to‘sib qo‘yildi", - dedi Kolokoltsev payshanba kuni IIVning har yilgi kengaytirilgan yig‘ilishida.

Uning so‘zlariga ko‘ra, 2016 yildi Rossiyada huquq-tartibot idoralari tomonidan “terrorchilik faoliyatiga yordam berish bo‘yicha 200ta holat aniqlangan”.