Facebook asoschisi Mark Tsukerberg yana bir farzandli bo‘ladi

Facebook ijtimoiy tarmog‘i asoschisining xabar berishicha, rafiqasi Pristsilla Chan bilan ikkinchi farzand dunyoga kelishini kutishmoqda – u yana qiz bola bo‘ladi.

"Shuni mamnuniyat bilan xabar qilamizki, yana bir qiz farzandni kutyapmiz", - deya yozdi Tsukerberg ijtimoiy tarmoqdagi o‘z sahifasida.

Uning so‘zlariga ko‘ra, birinchi farzandda kechgan og‘ir homiladorlikdan keyin juftlik yana bir farzand ko‘rish g‘oyasiga unchalik yaxshi qarashmagan.

"Pristsilla yana homilador ekanini bilganimizda, bola sog‘lom ekanidan umid qildik. Men shuningdek, u qiz bola bo‘lishiga umid qildim. Maks uchun singil juda ajoyib sovg‘a", - deya yozdi u.

Facebook asoschisining aytishicha, uchta opa-singillar bilan birga katta bo‘lgan hamda ular unga juda ko‘p narsani o‘rgatishgan. Uning rafiqasi Pristsillada ham ikkita opa-singil bor.

"Barchamiz hayotimizdagi kuchli ayollar sabab yaxshi insonlarga aylandik – bular opa-singillar, onalar va do‘stlar. Chaqalog‘imiz tug‘ilishini intizorlik bilan kutmoqdamiz va yana bir kuch ayolni katta qilish uchun bor kuchimizni sarflaymiz", - deya qo‘shimcha qildi u.

Ma'lumot uchun, Facebook asoschisi Mark Tsukerberg Blumberg agentligi reytingiga ko‘ra dunyoning eng badavlat o‘nta kishisi ro‘yxatiga kiradi. 5 mart holatiga ko‘ra uning sarmoyai 59,1 milliard dollarni tashkil etadi.