Italiyada avtomobil ko‘prigi qulab tushdi

Italiya shimoli-sharqidagi Ankona shahri yaqinida avtotransportga mo‘ljallangan ko‘prik (avtostrada) qulab tushdi, hodisa oqibatida ikki kishi halok bo‘ldi, deb xabar bermoqda BBC News.

Halok bo‘lgan insonlarning har ikkisi ko‘prik ostidagi yo‘lda harakatlanayotgan mashinada bo‘lgan. Bundan tashqari, Ruminiyadan bo‘lgan ikki ishchi ham jarohatlandi.

Guvohlardan birining xabar berishicha, «hammasi juda tez ro‘y bergan»: uning mashinasi qulab tushgan ko‘prikdan bir necha metr berida bo‘lgan. Ayni damda ko‘prik va u qulagan trassa bo‘ylab harakat to‘xtatilgan.