Amerikalik professor Jyeremi Mao olamshumul kashfiyot qildi – u yangi tishlarni o‘stirishning texnologiyasini yaratdi. Bu texnologiya evaziga yaqin orada tish shifokoriga borib, tishlarni burg‘ilatishni esdan chiqarish mumkin bo‘ladi. Bu haqda Inforeactor nashri xabar bermoqda.
Mao burg‘ilash mashinalaridan foydalanmasdan, ikki oy ichida sog‘lom tishni yaratishga imkon beruvchi usulni ixtiro qildi.
Olim tishlarni o‘stirish jarayoni qanday kechishi haqida batafsil so‘zlab berdi. U buning uchun natural materiallardan maxsus karkas yaratib, unga asos hujayralarni kiritgan. O‘stirish stimulyatori yordamida bir necha hafta ichida yangi tish vujudga kelgan va u a'lo darajada o‘rnashib, tabiiy tishdan hech qanday farqi bo‘lmagan.
Ma'lum qilinishicha, olim bugungi kunda ushbu tajribani faqatgina hayvonlarda o‘tkazgan. Agar u bu texnologiyani odamlarda muvaffaqiyatli sinovdan o‘tkaza olsa, unda bu texnologiya stomatologiya sohasida inqilobiy o‘zgarishga olib kelishi mumkin. Olimning ta'kidlashicha, yangi texnologiya bo‘yicha tish o‘stirish uchun shikofor huzuriga bir martagina tashrif buyurish yetarli bo‘ladi.
