Tramp va Merkel uchrashuvi yomon ob-havo sababli qoldirildi

AQSh prezidenti Donald Tramp va Germaniya kansleri Angela Merkelning 14 martga belgilangan uchrashuvi Vashingtonda kutilayotgan qor bo‘roni tufayli 17 martga ko‘chirildi. Bu haqda jurnalistlarga AQSh prezidenti matbuot kotibi Shon Spayser ma'lum qildi. 

"Prezident Germaniya kansleri bilan suhbatlashib, ob-havo tufayli uchrashuvni qoldirishga kelishib oldi. Uchrashuv 17 mart kuniga ko‘chirildi, tadbirlar jadvali avvalgidek bo‘ladi", deb aytgan Spayser.

AQSh shimoli-sharqida 13 va 14 mart kunlari bu mavsum uchun noodatiy past haroratlar bo‘lishi kutilmoqda (Tselsiy bo‘yicha minus 4 – minus 2 gradus).

Shuningdek, yomon ob-havo sababli aviakompaniyalar 1,5 mingdan ko‘proq reysni bekor qilishgan.