O‘zbekiston viza cheklovlari indeksida nechanchi o‘rinni egalladi?

O‘zbekiston Henley & Partners kompaniyasining viza cheklovlari Indeksida (Visa Restrictions Index) 83 o‘rinni egalladi.

Henley & Partners kompaniyasining viza cheklovlari Indeksi o‘z fuqarolariga harakatlanish erkinligi darajasi bo‘yicha davlatning xalqaro reytingi hisoblanadi.

Henley & Partners kompaniyasi tomonidan barcha mamlakat va hududlarning viza rejimi qoidalari batafsil o‘rganib chiqildi, ya'ni ko‘rsatilgan davlat fuqarolarining vizani rasmiylashtirmasdan bora oladigan boshqa davlatlar soni.

Viza cheklovlari Indeksi tarixdagi xalqaro munosabatlar va mamlakatning jahon arenasidagi o‘rnini anglatuvchi fuqarolarning harakatlanish erkinligi bo‘yicha mamlakat xalqaro reytingi hisoblanadi.

Indeksga ko‘ra, O‘zbekiston fuqarolari jahonning 53 davlatiga vizasiz bora oladi.

Germaniya reytingda to‘rt yildan beri yetakchilik qilmoqda. 2017 yilda Germaniya fuqarolari vizasiz kira oluvchi davlatlar soni 177dan 176ga qisqardi.

O‘tgan yildagi kabi ikkinchi o‘rinda Shvetsiya joylashdi - 175 mamlakat. Uchinchi o‘rinni esa besh davlat o‘zaro bo‘lishib oldi - Finlyandiya, Italiya, Ispaniya, AQSh va Daniya (174 davlat).

Reytingdagi so‘nggi o‘rinlardan Pokiston, Iroq va Afg‘oniston joy oldi.