Video: Bo‘g‘ma ilon bir lahzada tutildi

YouTube’ning Jonny Jon taxallusi ostidagi foydalanuvchisi g‘ayritabiiy rolikni joylashtirdi. Unda erkakning to‘r-to‘r bo‘g‘ma ilonni tutishi tasvirlangan. Videoga Daily Star nashri e'tibor qaratdi.

Ovchi avvaliga bo‘g‘ma ilon bilan “o‘ynashgan” va uning hujumlaridan chapdastlik bilan o‘zini olib qochdi. Bir necha daqiqadan so‘ng esa erkak ilonning boshidan tezlik bilan tutib, bir necha urinishdan so‘ng uni qafasga joylashtirib qo‘ygan.

To‘r-to‘r bo‘g‘ma ilon asosan Osiyoda uchraydi hamda zaharsiz reptiliya sanaladi. U dunyodagi eng uzun ilon deb hisoblanadi – uzunligi 8 metrga yetishi mumkin.