Tramp greklarni yaxshi ko‘rishini aytdi

Donald Tramp Oq uyda Gretsiya milliy bayrami – Mustaqillik kuni munosabati bilan tashkil etilgan tadbirda chiqish qilar ekan “Men greklarni yaxshi ko‘raman” deya aytib o‘tdi. Bu haqda Gretsiya OAV xabar berdi, ular Tramp chiqishi tasvirlangan videoyozuvni taqdim etishgan.

"Men greklarni yaxshi ko‘raman, juda ham yaxshi ko‘raman. Men Nyu-Yorkdan ekanligim esingizdan chiqmasin. U yerda juda ko‘plab greklarni uchratish mumkin. Ular deyarli hamma joyda!" – dedi Tramp.

Tramp asli kelib chiqishi gretsiyalik bo‘lgan Oq uy apparati rahbari Rayns Pribusni alohida ta'kidlab o‘tgan hamda u mamlakatdagi “eng ajoyib greklardan biri” ekanini ma'lum qilgan. Prezident asli kelib chiqishi gretsiyalik bo‘lgan boshqa xodimlarni ham maqtab o‘tdi.

"Gretsiya Mustaqillik kunida gretsiyalik fuqarolar erkinliklari qaror topganini bayram qilishmoqda", - dedi Tramp.

Uning ta'kidlashicha, Oq uyda Gretsiya mustaqillik kuni 30 yildan beri nishonlanib kelinadi, bu an'anaga Ronald Reygan asos solgan. Oq uydagi bayram tadbirida grek musiqasi va milliy raqslari ijro etildi.

Tadbir 24 mart kuni kechqurun o‘tkazildi. AQShda Gretsiyadan Mustaqillik kunida vakil sifatida milliy mudofaa vaziri Panos Kammenos qatnashdi, u Qo‘shma Shtatlar mudofaa vaziri Jyeyms Mettis bilan muzokaralar ham o‘tkazdi.