Moskvada Aleksey Navalniy qo‘lga olindi

Aleksey Navalniy Tver ko‘chasi va Mamonov torko‘chasi chorrahasini kesib o‘tish vaqtida qo‘lga olindi. Bu haqida Korrupsiya bilan kurashish fondi (KKF) faoli Roman Rubanov o‘zining Twitter'dagi sahifasida ma'lum qildi.  

RBK muxbirining xabar berishicha, olomon Navalniy olib ketilgan avtobusning Tverskayadan ketishiga halaqit berishga uringan. Odamlar avtobusni chayqashga tushishgan. Avtobus manziliga qarab harakatlana olishi uchun uni maxsus politsiya otryadi (MPO) qurshab olishiga to‘g‘ri keldi.

Avtobus yo‘lini avtomobil bilan to‘sib qo‘yilgan, shundan so‘ng aksiya ishtirokchilarining politsiya bilan to‘qnashuvi ro‘y bergan. Guvohlarning so‘zlariga ko‘ra, MPO xodimlari namoyishchilarga qarshi to‘qmoqlarni qo‘llashgan. 

Oxir-oqibat politsiya mashinalari olinib, avtobusning ketishiga muvaffaq bo‘lingan. 

Navalniy aksilkorrupsiya aksiyasiga mahalliy vaqt bilan soat 14:00 atrofida kelgan va deyarli darhol qo‘lga olingan.