17:53 / 27.03.2017
8714

Andijonda xalqaro teatr kuni nishonlandi

1961 yili YuNeSKO huzuridagi Xalqaro teatr instituti tomonidan Avstriyaning Vena shahrida bo‘lib o‘tgan IX kongressida 27 mart – Xalqaro teatr kuni deya e'lon qilingan. Hozirgi kunda jahonning 100 dan ziyod mamlakatlarida 27 mart teatr san'ati xodimlarining kasb bayrami sifatida keng nishonlanib kelinmoqda. 

Bugun Andijon shahrida ushbu sanaga bag‘ishlangan tadbir bo‘lib o‘tdi. Kasb bayramiga viloyatda faoliyat yuritayotgan – viloyat akademik drama teatri, yoshlar teatri hamda viloyat qo‘g‘irchoq teatri xodimlari taklif qilindilar.

Viloyat hokimining o‘rinbosari Serobiddin Ismoilov san'at vakillarini tabriklab, sohada uzoq yillar mehnat qilgan bir guruh ustoz san'atkor va iqtidorli yoshlarga viloyat hokimining tashakkurnoma va esdalik sovg‘alarini topshirdi.

Kun.uz muxbiri Elmurod Ermatov, Andijon

Top