Gretsiyada har uchinchi fuqaro soliq to‘lamagani ma'lum bo‘ldi

Gretsiyada 2016 yilda daromad juda kam bo‘lgani bois har uchinchi fuqaro hech qanday soliq to‘lamagani ma'lum bo‘ldi. Bu haqida mamlakat Moliya vazirligi ma'lumotlariga asoslanib, "Vima" gazetasi xabar berdi. 

Gap soliqlardan bo‘yin tovlashdami yoki Gretsiyadagi uy xo‘jaliklari ko‘p yillik inqiroz sabab haqiqatda daromadlarini yo‘qotishdimi - masala shunda. 

Nashr ma'lumotlariga ko‘ra, Moliya vazirligi 2016 yilda 8 645 596 soliq deklaratsiyasini qayta ishlagan. 

"10 kishidan 9 nafari 20 ming yevrodan kam bo‘lgan daromadni qayd etgan, soliq to‘lovchilarning 31,8 foizi esa, umuman hech qanday soliq to‘lamagan", - deb yozadi gazeta. 

2015 yilda daromad 73,9 milliard yevro bo‘lgan bo‘lsa, 2016 yilda bu ko‘rsatkich 74,2 milliardni tashkil qildi. Shunga qaramay, o‘rtacha soliq 3 foizga oshgan bir vaqtda o‘rtacha daromad 1,1 foizga kamaydi.

Gretsiya fuqarolari 2016 yilda 8,2 milliard yevro, 2015 yilda esa - 7,8 milliard yevro hajmdagi kirim uchun soliq to‘lashgan. 2016 yilda daromadning umumiy summasi 2015 yilga nisbatan 400 million yevroga oshgan, soliqlar esa yanada o‘sgan.

2016 yilgi deklaratsiyalarning ko‘rsatishicha, soliq to‘lovchilarning 14,6 foizi yoki 1,263 million kishi hech qanday daromad olmagani ma'lum bo‘lgan. Bu, qoidaga ko‘ra - bolalar, talabalar, uy bekalari. 32 foiz aholi yoki 2,767 million kishi 5 ming yevrodan kam bo‘lgan daromadga ega ekanini ma'lum qilgan va tabiiyki, ular ham soliq to‘lashmagan. 

Shuningdek so‘nggi besh yilda oyiga ming yevrodan kam daromad oluvchi kishilar soni 49 foizdan 64,11 foizga o‘sgan.