Internetning faol va ilg‘or foydalanuvchisi bo‘lgan zamonaviy odamga muloqot qilish uchun bir nechta ilovani smartfonga o‘rnatish nega kerak? Bizning muloqot sifati va turli-tuman imkoniyatlar borasidagi talablarimizni iloji boricha qondira oladigan bitta messenjerning o‘zi yetarli emasmi? Bunga javob: yo‘q. Chunki turli messenjerlar tashqi aloqa sharoitlari va foydalanuvchining talablariga har xil reaksiya ko‘rsatgan holda o‘zini qat'iy individual “tutadi”.
1. Pinngle cheklovlarsiz barqaror aloqani ta'minlaydi
Suhbatni sifatli uzluksiz aloqadan boshlaymiz. Biz ancha yillardan beri butun mamlakatni Wi-Fi qoplab olishi, har bir hududda, hatto O‘zbekistonning eng chekka qishlog‘ida ham kuchsiz signalli zonalar qolmasligi umidida yashayapmiz. Xo‘sh, orzu qilib bo‘ldikmi, endi real voqelikka qaytamiz. Agar O‘zbekiston poytaxtining ko‘p joylarida Internet sifati a'lo darajada bo‘lsa, hududlarda buning aksini ko‘rish mumkin. Ularga aloqaning tez-tez uzilishi, kuchsiz Internet, trafikning yetarli emasligi kabi “alomatlar” xos. Agar biz o‘zimizga bog‘liq bo‘lmagan tashqi vaziyatni o‘zgartira olmasak, ularga moslashishimiz va ularni bizning foydamizga ishlashga majbur etishimiz kerak. Pinngle mualliflari aynan shunday qilishdi. Ular obektiv sabablarga qaramasdan o‘z foydalanuvchilari uchun barqaror aloqani ta'minlay olishdi.
Pinngle butun dunyo bo‘ylab, hatto internet-trafik almashinuvi cheklangan mamlakatlarda ham tarmoqqa chiqish imkonini beruvchi algoritmni ishlab chiqdi. Endi Pinngle kuchsiz Internet sharoitlari mavjud bo‘lgan O‘zbekistonning eng chekka hududlari va xorijda, hatto boshqa messenjerlar o‘chirilgan mamlakatlarda ham barqaror ishlamoqda. Boshqacha qilib aytganda, internet tezligi qanchalik past bo‘lmasin, aloqa sifati har doim a'lo darajada bo‘ladi! Chunki
