Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Тошкент телеминорасига кириш тарифлари қайта тасдиқланди 
17:48 / 19.04.2017
30359

“Радиоалоқа, радиоэшиттириш ва телевидение маркази” давлат унитар корхонаси томонидан 375 метрлик Тошкент телеминорасининг 100 метрдаги томоша майдончаси ва 105 метрдаги “Коинот” ресторанига кириш тарифлари прейскуранти қайта тасдиқланиб, 2017 йил 1 апрелдан амалга киритилди. Бу ҳақда Кун.uz’га ДУК ахборот хизмати хабар берди.

Янги прескурантга мувофиқ, телеминорага ташриф буюрувчилар тоифаларга ажратилган бўлиб, A тоифага кирувчиларга кириш бепул қилиб белгиланган. 

Шунингдек, Тошкент телеминорасига ташриф буюраётган чет эл ва фуқароликка эга бўлмаган шахсларга қулай шарт-шароитлар яратиш мақсадида 16 ёшдан катта чет эл фуқаролари учун кириш тарифларига 2017 йил 1 апрелдан 1 сентябргача бўлган муддатга 40 фоиз миқдорида чегирма белгиланди.

Тошкент телеминорасининг томоша майдончаси ва “Коинот” ресторанига кириш тарифлари янги прескуранти билан www.crrt.uz сайтининг эълонлар бўлимида танишиш мумкин.


Улашинг
Top