Pentagon rahbari KXDRning Amerikaga tahdidlari borasida shubha bildirdi

AQSh mudofaa ma'muriyati – Pentagon rahbari Jyeyms Mettisning fikricha, KXDRning Qo‘shma Shtatlarga nisbatan bildirayotgan tahdidlari ishonish kerak emas. U Isroil mudofaa mahkamasi rahbari Avigdor Liberman bilan o‘tkazgan muzokaralaridan so‘ng, shunday bayonot berdi. 

"KXDRga kelsak, o‘ylaymanki, biz ularning bayonotlarini bir necha marta eshitdik, ularning so‘zlari haqiqatga mos kelmaydigandek ko‘rinadi", - degan u. 

20 aprel kuni Shimoliy Koreya OAV "AQShning, nafaqat, Janubiy Koreyadagi imperialistik bosqinchi kuchlarini, balki Amerikaning o‘zidagi quchlarining kulini ko‘kka sovuradigan zarba berilishi" haqida jar solgan edi. 

Pxenyan 16 aprel kuni yana bir raketa sinovini o‘tkazishga uringan, biroq u muvaffaqiyatsizlikka uchragan. AQSh qurolli kuchlariga ko‘ra, raketa uchirilganidan ko‘p o‘tmay, portlab ketgan.