Xitoyda shaxtada qolib ketgan konchilar 3 kun o‘tib qutqarildilar

Xitoyda 3 kun yer ostida qolib ketgan konchilar qutqarildilar. Shensi viloyatidagi shaxtaning bir qismi to‘satdan suv ostida qolishi sababli 6 konchi shaxta ichida qolib ketdilar. Biroq ularni darhol qutqarishning iloji bo‘lmagan.

Qutqaruvchilar 22 aprel soat 10.00da konchilarni sirtga chiqara oldilar. Konchilarning barchasi hushida bo‘lgan va yaqin oradaga shifoxonaga yetkazilganlar. Ularning ahvoli barqaror deya baholangan. 

Hozir hukumat voqeani tergov qilish bilan shug‘ullanmoqda. Ta'kidlash joizki, Xitoy tog‘-kon sanoati dunyodagi eng xavflilaridan biri hisoblanadi. Konlarda har yili minglab odamlar halok bo‘ladi. Oxirgi yillarda xavfsizlikni kuchaytirish bo‘yicha faol ishlar olib borilmoqda.