Dunyodagi eng kriminal shaharlar reytingi tuzildi

Internetda dunyodagi jinoyatchilik urchigan eng xavfli shaharlarning yangi reytingi paydo bo‘ldi.

Numbeo portali ma'lumotiga ko‘ra, Venesuela poytaxti Karakas shahri sayyoradagi eng xavfli shahar bo‘lib qolmoqda. Reytingda keyingi o‘rinlarda San-Pedro-Sula (Honduras), Pitermaritsburg (Janubiy Afrika Respublikasi) va Fortaleza (Braziliya) shaharlari joylashgan. Keyingi o‘rinlarda esa Selangor (Malayziya), Durban (Janubiy Afrika Respublikasi), Yohannesburg (Janubiy Afrika Respublikasi), Resife (Braziliya), Pretoriya (Janubiy Afrika Respublikasi) va Rio de-Janeyro (Braziliya) shaharlari nomlari keltirilgan.

Reytingga MDHdagi shaharlardan Moskva (174), Yekaterinburg (118), Olmaota (132), Boku (308), Tbilisi (360) va Yerevan (291) shaharlari ham kiritilgan.

Dunyodagi eng xavfsiz shahar sifatida BAA poytaxti Abu Dabi va Germaniyadagi Myunxen shaharlari qayd etilgan.

Bundan oldinroq dunyodagi eng xavfsiz mamlakatlar reytingi tuzilgan. Unda Finlyandiya birinchi o‘rinda, BAA va Islandiya ikkinchi hamda uchinchi o‘rinlarda joylashgandi.

136 mamlakatdan iborat reytingning quyi pog‘onalarida Kolumbiya (136), Yaman (135) va Salvador (134) nomlari ko‘rsatilgan.