Fransiyadagi saylovlarning birinchi turida Makron g‘olib bo‘ldi

Fransiyada o‘tgan prezidentlik saylovlarining 1-bosqichida "Olg‘a" harakati asoschisi Emmanuel Makron "Milliy front" partiyasi yetakchisi Marin Le Pendan o‘zib ketdi. 

Mahalliy vaqt bo‘yicha soat 22.34da olingan ma'lumotlarga ko‘ra, 26,1 mln ta ovoz berish byulleteni (70 foizga yaqin) hisob-kitob qilingandan keyin Makron 23,11 foiz, Le Pen esa 23,08 foiz ovoz oldi.

Shuningdek, Fransua Fiyon 19,81 foiz, Jan-Lyuk Melanshon esa 18,62 foiz ovoz to‘plagan.

Makron o‘zining g‘alaba qilganini e'lon qildi va ikki haftadan keyin barcha fransuzlarning prezidenti bo‘lish istagini ta'kidlab o‘tdi. Makron shuningdek, 1-bosqichda mag‘lub bo‘lganlarini tan olib, unga qo‘llab-quvvatlov bildirgan raqiblariga minnatdorchilik bildirdi.  

"Men Fransua Fiyon va Benua Amonga qo‘llab-quvvatlaganlari uchun minnatdorman", deb aytdi Makron. 

"Ertadan boshlab men barcha fransuzlarni birlashtirish kampaniyasini boshlayman", deb qo‘shimcha qildi g‘olib.

Shuningdek, Fransiya prezidenti Fransua Olland Makron bilan bog‘lanib, uni g‘alaba bilan tabrikladi.  

Yelisey saroyida Olland yaqin fursatlarda saylovlarning 1-bosqichi natijalari bo‘yicha rasmiy bayonot bilan chiqishi ta'kidlab o‘tildi.

Prezidentlik saylovlarining 2-bosqichi 7 may kuni bo‘lib o‘tadi.