Saudiya Arabistoni Suriya birligi tarafdori

Saudiya Arabistoni hukumati Suriya birligi va BMT XKning 2254 rezolyutsiyasiga rioya etilishi tarafdoridir. 

Bu haqda Saudiya Arabistoni tashqi ishlar vaziri Odil al-Jubayr Rossiya TIV rahbari Sergey Lavrov bilan o‘tkazgan muzokaralardan so‘ng ma'lum qildi. 

"Suriyaga to‘xtaladigan bo‘lsak, biz ushbu mamlakat birligini saqlab qolish zarurligini, mamlakatni inqirozdan olib chiquvchi siyosiy yechim topish kerakligini muhokama qildik. Bu qaror Jyeneva-1 va BMT Xavfsizlik kengashining 2254 sonli rezolyutsiyasiga asoslanishi lozim", - deb qayd etgan vazir. 

Uning so‘zlariga ko‘ra, Saudiya Arabistoni Suriya muxolifati bilan ushbu mamlakat aholisiga gumanitar yordamlarni yetkazishda hamkorlik qilmoqda. Bundan tashqari, Saudiya Suriyada kimyoviy qurol qo‘llanilganiga doir ehtimolni tekshirish tarafdori. 

Al-Jubayr, shuningdek, Suriyada "Hizbolloh"ga o‘rin yo‘qligini aytar ekan, Ar-Riyod Eronning mintaqadagi ishlarga aralashishiga chek qo‘yishni istayotganini ta'kidlagan.