Apple iPhone 8 va iPhone 8 Plus smartfonlarini ishlab chiqarmoqda

Apple 2017 yilda iPhone 7s va 7s Plus smartfonlarini ishlab chiqarmaydi, ularning o‘rniga iPhone 8 va iPhone 8 Plus qurilmalari namoyishi kutilmoqda. Micgadget nashri Foxconn zavodidagi manbasiga asoslanib, shu haqida xabar berdi. 

Manbaga ko‘ra, Xitoydagi Foxconn zavodlari ikki yangi smartfonga buyurtma olgan - iPhone 8 va iPhone 8 Plus. iPhone 7s va 7s Plus qurilmalari haqida esa hech qanday gap yo‘q, har holda hozir hech kim ularni ishlab chiqarmayapti va yaqin kelajakda ham bunday reja yo‘q. 

Yangi flagmanning ehtiyot qismlari iyun oyidayoq Xitoyga yetkaziladi. Ma'lumotlarga ko‘ra, iPhone 8 ham, iPhone 8 Plus ham ikki kameraga ega bo‘ladi.