Makron saylovlarga bir hafta qolganida Frexit taklif etdi

Fransiya prezidentligi uchun nomzod, "Marshda" harakati asoschisi, markazchi Emmanuel Makronning bayonot berishicha, YeI islohotlar o‘tkazishdan bosh tortsa, Frexit (Fransiyaning YeI tarkibidan chiqishi) istiqboliga duch kelishi mumkin. Bu haqda BBC xabar qilmoqda. 

Makronning qayd etishicha, u "saylovoldi kampaniyasi davomida doim Yevropa g‘oyasi va YeI siyosatini himoya qilgan", chunki, uning fikricha, ular "Fransiya uchun zarur va mamlakat globallashuv jarayonida o‘z o‘rniga ega bo‘ladi". "Ayni vaqtda, biz vaziyatni baholashimiz, fuqarolarimizni eshitishimiz kerak, ularning bugungi kunda jahli chiqqan, YeIning buzilgan faoliyati endi o‘tmaydi", - degan Makron. 

Shunga ko‘ra, prezidentlikka nomzodning aytishicha, u YeIning shu ko‘rinishda faoliyat yuritishiga yo‘l qo‘ysa, o‘ziga xos "xoinlik" bo‘ladi. "Men bunday qilmoqchi emasman, - deb ta'kidlagan Makron. – Chunki, biz Frexit yoki "Milliy front"ni qabul qilishimiz mumkin".

Fransiya prezidentlik saylovining birinchi turi 23 aprelda bo‘lib o‘tdi. Unda 11 nafar nomzod qatnashdi. Ikkinchi, hal qiluvchi bosqich 7 may kuni tashkil etiladi. Unda Emmanuel Makron va Marin Le Pen kurashadi.