Shvetsiyadagi masjidda yong‘in yuz berdi

Shvetsiya poytaxti Stokholm shimolida joylashgan Yyerfellda joylashgan Imom Ali yirik shialar masjidida dushanbaga o‘tar kechasi yong‘in yuz berdi. Bu haqda mahalliy SVT televideniyesi xabar berdi.

"Taxminlarga ko‘ra, o‘t qo‘yish tashqaridan amalga oshirilgan", - deya aytib o‘tdi Stokholm politsiyasi vakili Lars Bistrem televideniyega.

Hodisa oqibatida jabrlanganlar haqida ma'lumot yo‘q.

Masjid binosida 3 mingdan ortiq kitob bo‘lgan kutubxona bor. Kitoblarga qandaydir zarar yetgani haqida xabarlar yo‘q.

"Dastlabki ma'lumotlarga ko‘ra, binoning taxminan 30-50 foizi zararlangan", - deya aytib o‘tdi masjid vakili Aki Zohiriy Shvetsiya televideniyesiga.

Uning so‘zlariga ko‘ra, masjid binosi hududi – qariyb 3500 kvadrat metrga teng.