Erdo‘g‘an Rossiyaga tashrif bilan kelmoqda

Foto: tccb.gov.tr

3 may kuni Turkiya prezidenti Rajab Toyyib Erdo‘g‘an Rossiyaga amaliy tashrif bilan keladi. Erdo‘g‘an Rossiyaga Vladimir Putin taklifi bilan kelmoqda. Uchrashuv Sochida bo‘lib o‘tadi.

Ikki yetakchi uchrashuvida ikki tomonlama munosabatlar, jumladan Moskvada 10 mart kuni erishilgan kelishuvlarning bajarilishi muhokama qilinadi.

Bundan tashqari, Putin va Erdo‘g‘an dolzarb mintaqaviy va xalqaro masalalarni, birinchi navbatda terrorchilikka qarshi va Suriyadagi vaziyatni tartibga solishga taalluqlilarini ko‘rib chiqishadi.

Eslatib o‘tamiz, Putin 2 may kuni Sochida Germaniya kansleri Angela Merkelni qabul qildi.