Foto: Makron va Le Pen saylov uchastkasida

Fransiya prezidentligiga nomzodlar saylovda ovoz berishdi. BFM TV telekanali xabariga ko‘ra, Milliy front partiyasidan nomzod bo‘lmish Marin Le Pen Enen-Bomon kommunasidagi saylov uchastkasida ovoz bergan.

Aynan shu uchastka oldida biroz avvalroq Femen faollari aksiya o‘tkazishgandi.

Emmanuel Makron rafiqasi Brijit Makron bilan birga Le-Tuke shahridagi saylov uchastkasiga tashrif buyurgan.

Bundan oldinroq mamlakat prezidenti Fransua Olland va mamlakat bosh vaziri Bernar Kaznev ovoz bergandi.

Ayni vaqtga kelib, uchastkalar ochilganidan 4 soat vaqt o‘tganida saylovda davomat 28,23 foizni tashkil qilmoqda — bu 2012 yildagi ko‘rsatkich (30,66 foiz) va 2007 yildagi ko‘rsatkichdan (34,11 foiz) kam. Bu ma'lumot IIVning rasmiy tvitterida ma'lum qilingan. Birinchi turda kunning bu vaqtiga kelib davomat 28,54 foizni tashkil etgandi. Kun oxiriga borib davomat 75 foizni tashkil etishi, shu tariqa 1969 yildan buyon eng past ko‘rsatkich qayd etilishi kutilmoqda.

Election #Presidentielle2017 28,23 %: taux de participation à 12h pour le 2nd tour en 🇫🇷 métropolitaine (30,66 % en 2012 et 34,11 % en 2007) pic.twitter.com/hNXPJjMMy2
— Ministère Intérieur (@Place_Beauvau) May 7, 2017

#Emmanuel Makron #Marin Le Pen

11 nafar nomzod Yelisey saroyi uchun kurash olib bormoqda. Fransiya konstitutsiyasiga muvofiq, birinchi turdan so‘ng ikki nomzod qoladi. Ular saylovning yakuniy bosqichida ishtirok etadi. Ikkinchi tur 7 may kuni bo‘lib o‘tadi.