Butunjahon boks kengashi (WBC) versiyasi bo‘yicha -72,6 kilogramm vazn toifasida jahon chempioni, meksikalik bokschi Saul Alvares o‘z vatandoshi Xulio Sezar Chaves-kichkinani mag‘lubiyatga uchratdi.
74,5 kilogramm vazn toifasidagi ushbu jang Las-Vegasda bo‘lib o‘tib hakamlar g‘alabani bir ovozdan Alvaresga berishdi (120:108).
26 yoshli Alvares bu jang uchun 5 million dollar ishlab oldi, 31 yoshli Chavesning ulushi — 3 million.
Alvaresning ko‘rsatkichi endi 49 g‘alaba (34 nokaut), bir mag‘lubiyat (2013 yilda Floyd Meyuezerdan) va bir durang. Chaves o‘z faoliyatida 50 jangni g‘alaba bilan yakunlagan (32 nokaut), 3 marta mag‘lub bo‘lgan va bir jangda durang qayd etilgan.
Endi Alvares shu yilning kuzida qozog‘istonlik Gennadiy Golovkinga qarshi jang o‘tkazishi kerak bo‘ladi.
