Matbuot xizmatlaridan ma'lumotlar olish osonlashadi

O‘zbekiston Milliy matbuot markazida O‘zbekiston Respublikasi Prezidenti matbuot kotibi Asad Xo‘jayev hamda vazirliklar va qo‘mitalar matbuot xizmatlari rahbarlarining mahalliy OAV vakillari bilan uchrashuvi bo‘lib o‘tdi. 

Davra suhbati ko‘rinishida bo‘lib o‘tgan uchrashuv, Asad Xo‘jayevning aytishicha, bu boradagi ilk qadamdir. Uning so‘zlariga ko‘ra, ikki haftada bir marotaba barcha davlat idoralari matbuot xizmatlarining OAV vakillari bilan muloqotini o‘tkazish rejalashtirilmoqda.   

O‘zaro muloqot chog‘ida turli davlat idoralari va vazirliklar matbuot xizmatlarining OAV bilan hamkorligini qanday qilib yuqori saviyaga ko‘tarish, bu borada nimalarga e'tibor qaratish masalalari ham muhokama qilindi.