Neymar «Barselona»ga ultimatum qo‘ydi

«Barselona» hujumchisi Neymar ikkinchi murabbiy Unsue bilan yuzaga kelgan janjali jiddiy tus olishi mumkin.

Eslatib o‘tamiz, oldinroq, mashg‘ulotlar paytida braziliyalik futbolchi va murabbiy o‘rtasida janjal yuzaga kelgandi. Unsue Neymarga ko‘rsatma bergan, futbolchi esa uni norozilik bilan qabul qilgan. Unsue unga ko‘proq e'tiborini futbolga qaratishini, agar shu tahlid davom etadigan bo‘lsa, Ronaldinoga o‘xshab tez so‘nib qolishini aytgan. Neymar esa bunga javoban: «Agar u jamoada qolsa, men ketaman!», deya qichqirgan. 

Shunga qaramay, kataloniyaliklar rahbariyati bu vaziyatdan xavotirga tushayotgani yo‘q.

Ma'lumot uchun, Unsue darvozabon sifatida faoliyat olib borgan. Karerasining asosiy qismiini «Sevilya»da o‘tkazgan kiper faoliyatini yakunlagach, Frank Raykaard va Pep Gvardiola davridagi «Barselona»da darvozabonlar murabbiyi sifatida ishlagan. Keyinroq «Numansiya» va «Rasing» klublarini boshqargan, Luis Enrikega «Selta»da yordam bergan va shundan so‘ng yana «Barselona»ga qaytgandi.