Qashqadaryoda velosipedchining umriga zomin bo‘lgan haydovchi ushlandi

2017 yil 3 may kuni soat 23:40larda, Qashqadaryo viloyati, Qamashi tumani hududida, noma'lum haydovchi, noma'lum transport vositasini boshqarayotib, velosipedchi, Qamashi tumanida yashagan, 1970 yilda tug‘ilgan Q.X ni urib yuborib, yo‘l-transport hodisasi joyidan yashiringan. Bu haqda O‘zbekiston Respublikasi IIV YHXBB xabar berdi.

Natijada velosipedchi Q.X voqea joyida halok bo‘lgan. Olib borilgan qidiruv va surishtiruv ishlari natijasida ushbu yo‘l-transport hodisasini qamashi tumanida yashovchi, 1968 yilda tug‘ilgan A.F ishonch qog‘ozisiz boshqaruvidagi “NEXIA” rusumli avtomobilida sodir etganligi aniqlanib, 2017 yil 7 may kuni ushlangan.

2017 yil 2 may kuni soat 08:25 larda tushgan xabarga ko‘ra, shu kuni soat 00:10 dan soat 08:00 gacha bo‘lgan vaqt oralig‘ida, noma'lum shaxs tomonidan Toshkent shahar, Shayxontohur tumani S.Ayniy ko‘chasida qarovsiz qoldirilgan, shu ko‘chada yashovchi, 1995 yilda tug‘ilgan A.S ishonch qog‘ozi bilan boshqaruvidagi “GAZ-2410” rusumli avtomobili olib qochilgan. Olib borilgan qidiruv va surishtiruv ishlari natijasida avtomobil Uchtepa tumani, Istirohat mahallasi hududidan texnik soz holda topilgan. 

Ko‘rilgan choralar natijasida ushbu jinoyatni Chilonzor tumanida yashovchi, 1993 yilda tug‘ilgan T.B va Toshkent viloyati, Zangiota tumanida yashovchi, 1996 yilda tug‘ilgan M.J lar sodir etganligi aniqlanib, 2017 yil 4 may kuni ushlanganlar.