«Chelsi» bosh murabbiyi Antonio Konte o‘z jamoasining Angliya chempionatida g‘olib chiqqani haqida o‘z fikrlarini bildirdi. Ko‘klar tarixdagi oltinchi sovrinlarini 37-turdagi «Vest Bromvich Albion» bilan uchrashuvdan (1:0) so‘ng rasmiylashtirishdi.
«O‘yinchilarimdan mehnatsevarlik va harakatchanlik uchun minnatdorman. Ular bu mavsumni ajoyib yakunlash uchun bor kuchlarini berishdi. Ushbu g‘alabadan so‘ng biz baxtli bo‘lishimiz kerak.
Men Azar va Pedro charchab qoldi, deb hisobladim, bizga ko‘proq energiya kerak edi. Batshuayi bu o‘zgarish uchun menga ajoyib tarzda tashakkurini izhor etdi!
Bu zo‘r. Mening Angliyaga kelishim va mahalliy an'analar hamda tilga ko‘nikishim, shuningdek muvaffaqiyatsiz mavsumdan so‘ng o‘yinchilarni yana ruhlantirishim oson bo‘lmadi.
Yangi sxemaga o‘tish haqidagi qaror bizning mavsumni o‘zgartirdi. Jamoa uchun yangi nimadir topish kerak edi, hamda 3-4-3 taktikasi o‘yinchilarning o‘ziga xos jihatlariga mos tushdi. Yaxshi ishladik, bu shunchaki omad emas. Biz ajoyib mavsumni o‘tkazdik, biroq Angliya kubogi bor.
Har bir o‘yinda maydonda futbolchilar bilan birga ekanligimni his etaman. Men o‘yinchilar bilan birga bo‘lish borasida o‘z ehtiroslarim va xohishimni butun o‘yin davomida ko‘rsataman. Shunday insonman. Avval ham, hozir ham o‘yinchilar bilan salbiy va ijobiy vaziyatlarda birga bo‘laman. Biz bu sovrinni hammamiz birga yutib oldik», - deya Kontening so‘zlarini keltiradi BBC Sport.
