Putin Xitoy raisi bilan uchrashuv oldidan vaqtni royalda musiqa ijro etish bilan o‘tkazdi 

Pekinga tashrif buyurgan Rossiya prezidenti Vladimir Putin Xitoy raisi Si Tszinpin bilan uchrashuv oldidan bir juft daqiqani royalda musiqa ijro etish bilan o‘tkazdi. Ikki yetakchi o‘rtasidagi muzokaralar "Dyaoyuytay" imperatorlik qarorgohi binosida bo‘lib o‘tishi belgilangan.

Putin "Moskovskiye okna" va "Gorod na volnoy Nevoy" qo‘shiqlari musiqalarini ijro etdi.

Hozirda Putin ikki kunlik tashrif bilan Pekinda qolmoqda. Bu yerda "Bir makon, bir yo‘l" forumi bo‘lib o‘tmoqda. Putin forumning ochilishidagi nutqida global taraqqiyotdagi turg‘unlik davri yengib o‘tilgani va xalqaro terrorchilik sabablari haqida fikr bildirib o‘tdi. Bundan tashqari, Putin dunyo siyosatchilari va iqtisodiyotchilarini Peterburg va Vladivostokda o‘tadigan forumlarga taklif qildi.