Foto: Reuters
Fransiyaning yangi saylangan prezidenti Emmanuel Makron Gavr shahri meri Eduard Filippni bosh vazir lavozimiga tayinladi. Bu haqda Reuters xabar tarqatdi.
Agentlik ma'lumotiga ko‘ra, Makronning bu tanlovi Ikkinchi jahon urushi davridan buyon ilk bor kuzatilgan noyob hodisaga aylandi. 1945 yildan buyon Fransiyada hech qaysi prezident o‘ziga boshqa partiya vakilini bosh vazir etib tayinlamagandi.
46 yoshda bo‘lgan Filipp port shahar Gavr meri bo‘lish bilan birga parlament deputati edi. U Fransiyadagi eng yirik partiya bo‘lmish «Respublikachilar» partiyasiga mansubdir.
14 may kuni Emmanuel Makron prezidentlik lavozimiga rasman kirishgandi.
