Isroillik vazir Bashar Asadni o‘ldirish vaqti kelganini aytdi

Isroil qurilish ishlari vaziri Yoav Galant Suriya prezidenti Bashar Asadning ishini hal qilish vaqti kelgani haqida ma'lum qildi. Times Of Israel nashrida yozilishicha, u mahbuslarni ommaviy ravishda krematsiya (pechda kuydirish) qilayotgan hamda tinch aholiga kimyoviy hujum uyushtirayotgan davlat rahbarini javobgarlikka tortish lozimligini aytgan.

«Menimcha qizil chiziqni bosib o‘tish vaqti keldi. Mening fikrim: Asadni o‘ldirish fursati yetdi», degan vazir.

Bundan oldinroq Davlat departamenti Suriyada Damashq rasmiylari tomonidan noqonuniy ravishda o‘ldirilgan mahbuslarning jasadlari kuydiriladigan maxfiy krematoriyalar mavjudligini aniqlagani haqida xabarlar berilgandi.