Manchesterdagi terakt ijrochisi nomi oshkor qilindi

22 may oqshomida Manchesterdagi sport arenasida sodir etilgan va 22 kishini hayotdan olib ketgan portlashni sodir etgan terrorchining shaxsi ma'lum qilindi. CBS News telekanali xabariga ko‘ra, bu teraktni 23 yoshli Salmon Abedi sodir etgan.

Qayd etilishicha, bu terrorchi avvaldan britaniyalik maxsus xizmat xodimlariga tanish bo‘lgan.

Bundan avvalroq IShID ushbu terakt uchun javobgarlikni o‘z zimmasiga olgandi.

Buyuk Britaniya bosh vaziri Tereza Mey shoshilinch brifing vaqtida politsiya terakt ijrochisi shaxsi haqida ma'lumotga ega ekani, uning nomi tergov jarayoniga xalaqit bermaslik uchun vaqtinchalik oshkor etilmasligi haqida ma'lum qilgandi.